Friday, 16 February 2018
Saturday, 10 February 2018
അഞ്ചാം വാര്‍ഡ് കുടുംബശ്രീ പ്രവര്‍ത്തകര്‍ സ്കൂള്‍ വികസന നിധിയിലേക്ക് 35,000 രൂപ സംഭാവന നല്‍കി.
കാഞ്ഞിരപ്പൊയില്‍ ഹൈസ്കൂള്‍ ഹൈടെക്കാവുന്നതിന്റെ ഭാഗമായി സ്കൂളിലേക്ക് സര്‍ക്കാര്‍ വഴിയും മറ്റു സംഘടനകള്‍ മുഖേനയും സാമ്പത്തീക സഹായം ലഭിച്ചു കൊണ്ടിരിക്കുകയാണ്. എത്രയും വേഗത്തില്‍ തന്നെ സ്കൂളിനെ അന്താരാഷ്ട്ര നിലവാരത്തിലേക്കെത്തിക്കുന്നതിന്റെ ഭാഗമായി നാട്ടിലെ കുടുംബശ്രീ പ്രവര്‍ത്തകര്‍ ചെയ്യുന്ന സഹായം ചെറുതൊന്നുമല്ല. ആര്‍.എം.എസ്.എ സ്കൂള്‍ സ്ഥാപിതമായ ഘട്ടത്തില്‍ ഫണ്ടില്ലാത്തതു കാരണം ഫര്‍ണ്ണീച്ചറുകള്‍ ഇല്ലാതിരുന്നപ്പോള്‍ ഒട്ടേറെ ഫര്‍ണ്ണീച്ചറുകള്‍ തന്നും മറ്റു അവസരങ്ങളിലുമെല്ലാം ചെറുതും വലുതുമായ സാമ്പത്തീകവും മറ്റു വിധത്തിലുള്ള സഹായങ്ങളും കുടുംബശ്രീ അംഗങ്ങള്‍ നല്കാറുണ്ട്.അതിന്റെ തുടര്‍ച്ചയാണ് ഫെബ്രവരി 9ന് നടന്ന പ്രതിദിന അസംബ്ലിയില്‍ അഞ്ചാം വാര്‍ഡിലെ പ്രവര്‍ത്തകര്‍ സ്കൂള്‍ വികസന നിധിയിലേക്ക് സമാഹരിച്ച 35000 രൂപ സ്കൂള്‍ ലീഡര്‍ക്ക് കൈമാറിയത്..എസ്.എം.സി ചെയര്‍മാന്‍ ശ്രീ.ഗോപാലന്‍ അധ്യക്ഷനായി.ചടങ്ങില്‍
ഹെഡ്മാസ്റ്റര് അവര്‍ക്കുള്ള നന്ദി അറിയിക്കുന്നതോടൊപ്പം കൂടുംബശ്രീ
പ്രവര്‍ത്തകരുടെ ഇത്തരത്തിലുള്ള പ്രവര്‍ത്തനങ്ങളെ പ്രശംസിക്കുകയും ചെയ്തു
ഫെബ്രവരി 8ന് ദേശീയ വിരനിവാരണയജ്ഞത്തിന്റെ ഭാഗമായി മരുന്നു വിതരണം ചെയ്തു
ആരോഗ്യ വകുപ്പ് വിരനിവാരണ യജ്ഞത്തോടനുബന്ധിച്ച് കുട്ടികള്‍ക്ക് ഗുളികകള്‍ വിതരണം ചെയ്തു.
ഫെബ്രവരി 8ന് ആരോഗ്യ വകുപ്പിലെ അംഗങ്ങള്‍ എത്തി എല്ലാ കുട്ടികള്‍ക്കും വിരയ്ക്കെതിരായി ഗുളികകള്‍ വിതരണം ചെയ്തു.ഇതിന്റെ ഉദ്ഘാടനവേളയില്‍ ആരോഗ്യ വകുപ്പ് ഉദ്യോഗസ്ഥര്‍,സ്കൂള്‍ പ്രധാനധ്യാപകന്‍, ആധ്യാപകര്‍, പി.ടി.എ അംഗങ്ങള്‍ എന്നിവര്‍ സന്നിഹിതരായി. തുടര്‍ന്ന് എല്ലാ ക്ലാസ്സുകളിലും അധ്യാപകരുടെ സഹകരണത്തോടെ മരുന്ന് വിതരണം ചെയ്തു.
വിദ്യാര്‍ത്ഥി മിത്രം സമ്പാദ്യ പദ്ധതിക്ക് തുടക്കമിട്ടു.
കുട്ടികളില്‍ സമ്പാദ്യ ശീലം വളര്‍ത്തുക എന്ന ലക്ഷ്യം മുന്‍നിര്‍ത്തിക്കൊണ്ട് വിദ്യാര്‍ത്ഥിമിത്രം സമ്പാദ്യ പദ്ധതിക്ക് ഗംഭിര തുടക്കം.
മടിക്കൈ സര്‍വ്വീസ് സഹകരണ ബാങ്ക് സ്കൂളിലെ വിദ്യാര്‍ത്ഥികള്‍ക്ക് സമ്പാദ്യശീലം വളര്‍ത്തുവാനുള്ള പദ്ധതിക്കായി വിദ്യാര്‍ത്ഥിമിത്രം സമ്പാദ്യ പദ്ധതിക്ക് തുടക്കമിട്ടു. അഭിനയ്ക്ക് ആദ്യ പാസ്സബുക്ക് നല്‍കി.ചടങ്ങില്‍ ബാങ്ക് പ്രതിനിധികള്‍ പി.ടി.എ പ്രസിഡണ്ട് ശ്രീ രാജന്‍ ഹെഡ്മാസ്റ്റര് കെ.ജി. സനല്‍ഷാ, മറ്റധ്യാപകര്‍, സ്റ്റാഫംഗങ്ങള്‍ എന്നിവര്‍ സന്നിഹിതരായിരുന്നു.ആദ്യദിനത്തില്‍ തന്നെ പതിനഞ്ചോളം കുട്ടികള്‍ ഈ സമ്പാദ്യ പദ്ധതിയില്‍ അംഗങ്ങളായി.
പത്താം ക്ലാസ്സിലെ കുട്ടികള്‍ക്ക് പഠനം മികവുറ്റതാക്കാന്‍ പ്രാദേശിക പഠനകേന്ദ്രങ്ങള്
എസ്.എസ്.എല്‍.സി പരീക്ഷ സുഗമമാക്കാനും കുട്ടികളുടെ സംശയങ്ങള്‍ ദൂരീകരിക്കാനും സംവിധാനം ഒരുക്കിക്കൊണ്ട് അധ്യാപകരുടേയും രക്ഷിതാക്കളുടേയും സഹകരണത്തോടെ പ്രാദേശിക പഠനകേന്ദ്രങ്ങള് ആരംഭിച്ചു.മലപ്പച്ചേരി,കോതോട്ട് പാറ,കാഞ്ഞിരപ്പൊയില്‍,മുണ്ടോട്ട്,പുളിയനടുക്കം സ്ഥലങ്ങളിലായാണ് പഠനകേന്ദ്രങ്ങള് ഒരുക്കിയിട്ടുള്ളത്.വൈകുന്നേരം 6.30 ന് തുടങ്ങുന്ന ക്യാമ്പ് രാത്രി 9.30 വരെയാണ് നടക്കുക. ഓരോ പ്രദേശത്തുള്ള കുട്ടികള്‍ ടൈംടേബിള്‍ ചിട്ടപ്പെടുത്തികൊണ്ട് പ്രദേശത്തെ രക്ഷിതാക്കളുടെ നേതൃത്വത്തിലാണ് ക്യാമ്പ് നടക്കുന്നത്.കുട്ടികള്‍ക്കുള്ള ലഘു ഭക്ഷണം രക്ഷിതാക്കള്‍ നല്‍കിവരുന്നു.സ്കൂള്‍ പ്രവര്‍ത്തന സമയത്തിനു ശേഷവും ക്യാമ്പുകളില്‍ അധ്യാപകര്‍ സന്ദര്‍ശിച്ചു വരുന്നു.
Tuesday, 30 January 2018
കാഞ്ഞിരപ്പൊയിലിലെ മരങ്ങള്‍ക്ക് സ്വന്തം നാമം
കാഞ്ഞിരപ്പൊയിലിന്റെ പച്ചമരത്തണലില്‍ മരങ്ങള്‍ക്ക് സ്വന്തം പേര്.
സ്കൂളിലെ എല്ലാ മരങ്ങളുടെ പേരും അവയുടെ ശാസ്ത്രീയനാമങ്ങളുമെഴുതിയ ബോര്ഡുകള് സ്ഥാപിച്ചു.ശ്രീജ ടീച്ചറുടെ നേതൃത്വത്തില് ബയോഡൈവേഴ്സിറ്റി ക്ലബ്ബ് അംഗങ്ങളുടെ സഹകരണത്തോടെയാണ് നേംബോര്‍ഡുകള്‍ സ്ഥാപിച്ചത്. ഇതിന്റെ ഉദ്ഘാടനം സ്കൂള്‍ അസംബ്ലിയില്‍ ഹെഡ്മാസ്റ്റര് കെ.ജി. സനല്‍ഷാ നിര്‍വ്വഹിച്ചു.തുടര്‍ന്ന് ഓരോ മരത്തിലും ബോര്ഡുകള് സ്ഥാപിച്ചു.
ഹോസ്ദുര്‍ഗ്ഗ് ബി.ആര്‍.സി ഫുട്ബോളില്‍ ചാമ്പ്യന്‍ഷിപ്പ് നേടി കാഞ്ഞിരപ്പൊയില്‍ ചുണക്കുട്ടികള്‍
ഹോസ്ദുര്‍ഗ്ഗ് ബി.ആര്‍.സി നടത്തിയ ഫുട്ബോള്‍ ചാമ്പ്യന്‍ഷിപ്പില്‍ കാഞ്ഞിരപ്പൊയില്‍ ചാമ്പ്യന്‍മാരായി.
 |
| ട്രോഫി ഹെഡ്മാസ്റ്റര് കൈമാറുന്നു |
ഒട്ടേറെ സ്കൂളുകള്‍ മല്‍സരിച്ചു. ഫൈനലില്‍ നീലേശ്വരം രാജാസ് ഹയര്‍ സെക്കണ്ടറിയിലെ കുട്ടികളെ തോല്‍പ്പിച്ചാണ് നമ്മുടെ വിദ്യാലയം ചാമ്പ്യന്‍മാരായത്. കളികളില്‍ ഏറ്റവും കൂടുതല്‍ ഗോള്‍ നേടിയ ഏഴാം ക്ലാസ്സിലെ സഫര്‍ മികച്ച കളിക്കാരനായി. ജില്ലാ തലത്തിലേക്ക് സഫറിനേയും അശ്വിന്‍ ബാബുവിനേയും തെരഞ്ഞടുത്തു.കുട്ടികളെ പരിശീലിപ്പിച്ചത് ബി.ആര്‍.സി അധ്യാപികയായ സിന്ധുവാണ്. വിജയികള്‍ക്കുള്ള ട്രോഫിയും സര്‍ട്ടിഫിക്കറ്റുകളും പ്രധാനധ്യാപകനും മറ്റധ്യാപകരും ചേര്‍ന്ന് വിതരണം ചെയ്തു.
Subscribe to:
Posts (Atom)
-
പഠനയാത്രയ്ക്കൊരുങ്ങി മുഴുവന് വിദ്യാര്‍ത്ഥികളും പരീക്ഷ കഴിഞ്ഞുള്ള പ്രവൃത്തി ദിനത്തില് ഏകദിന പഠനയാത്ര നടത്തി. പഠനയാത്ര സാധാരണ മാണെങ്കിലു... -
ലഹരി ഉപയോഗത്തിനെതിരെയും ഉല്പ്പാദനത്തിനെതിരേയും ജി.എച്ച.എസ് കാഞ്ഞിരപ്പൊയിലിലെ വിദ്യാര്ത്ഥികള് അധ്യാപകരോടൊത്ത് പ്രതിജ്ഞയെടുത്തു. സമൂഹത്... -
അക്ഷര വെളിച്ചം(പുസ്തക പ്രദര്ശനം) വായനാ വാരാഘോഷത്തോടനുബന്ധിച്ച് നടന്ന പുസ്തക പ്രദര്ശനം വിദ്യാര്‍ത്ഥികള്‍ക്ക് വിദ്യാലയത്തിലെ പുസ്തകങ്ങളെ...